توانسة في المهجر ج1

سلام

ايا هذي حكاية مستوحات من الواقع

يا سيدي يحكيو على جماعة شاينو, تي هاكم إلّي عايشين برّة الخضراء فيهم إلّي يخدم و فيهم إلّي يقرا...
أيّا يا سيدي كي كانو في تونس, كانت أمورهم سلامات معناتها بكلهم فردة وحدة ما هاممهم في حتّى أدنى ربع شي الماكلة على بابا و ممّا و المصروف زادة تي كيما تعرفو

يا ولدي هوما هبطو من الطيارة في بلاد الفرانسيس و بدى الشي على برّة... شويّة صبر تو نفسرلكم

قالك الواحد ممكن برشة يديكوفري في روحو حاجات ماكانش عارفهم من قبل مثلا يكون زعيم و ما فيبالوش... حاسيلو ما نطولوش عليكم برشة كل واحد و خنّارو إلّي ما ياكل كان الحلال و المعتقات ممنوعة في محلو أما النساء و القيان و ... فهن حلال تحت حكم "نساء الكفار حلال للمؤمنين" و واحد قالك تين ورمال ناكلو الحلّوف و ال"موش حلال" أما نخاف كان من البنات... يا طفل علاش؟ بابا قلي رد بالك من البنات و غمزني.... و فواجع أكثر

أيا يا سيدي على الرّغم من هذا و غيرو قرّرو باش يخرجو يسهرو ... السهرية باش تكون في قهوة و القواهي هوني مختلطة و فيها زادة ما لذ و طاب من بنت العنبة و الشعير...

"يا شوف بنات تسكر" "يا محلاها زعمة مازالت طفلة ولاّ..." "بصراحة عندي صاحبتي أما هوني موش تونس"... و أجبدي يا كاترينا من اللاوي متاع الكبت... تقول ما عنّاش في تونس بنات

ان بليس دو سا, ربّى كمل بهاك المكبوب إلّي بايعها بلفتة... يعني ماهوش هامّو فيهم و في بناتهم و في إتجاهاتهم... قلهم "كل شات تتعلق من كرعها"... و هوما قاعدين جات وحدة ... تي قول ثنين و إلاّ ثلاثة و سألوهم: منين انتم, أوّل مرّة نشوفوكم.... و لا واحد جاوب... و جوهم حمارت

نكّمللكم الباقي من بعد

مولاكم الشلفوح

بداية النهاية 3

أيّا برّا مرحبا

كيما قلتلكم قبل كل ما ناخو ليزانفورماسيون نقوليلكم

هي راهي شعلت بينات الكومينيست و المسلمين شكون باش يلقن الأخ المنتحر الحي الكلمة قبل مايتوكل, المسلمين قامو بالغلطة المبرى وقت استعملو كلمة الرفيق الأعلى, الكومينيست كبذشو وقالو كلمة الكومينيست تابعتهم حاصيلو شبكت برشا بيناتهم. أما تحلت كيف قام الأخ المنتحر الحي يفهّم فيهم بالفلاّاقي أنو يقصد يعاودو يصوروه مع المتطوّعة الفيمينيست موش خطاب بالحق, حيت يفضل أنو العملية هاذي تكون تحت تأثير بنت العنبة, و هكّا الحشمة تطيرلهم و الأمور تتفرهد,

سي العربي الله يهديه يموت على الزيادة, وسي العربي الله يتولاّاه ولد عم هوا و اليهودي معناتها ما يحبش الخير حتّى لروحو, قا المديؤر العام متاع جماعة الصحة الإزديادية, و هوا في الأصل نايب مدير عام الزبراطة قال بللي عملية إعادة التصوير لازم تكون بروتيجي و ما عندهمش الدروع الواقية من الرصاص,,دونك تلزو و جابولو متوعة أخرى,,,,الإخوات الفيمينيست تغششو و قالو باللي هوما قدموا أكثر من غيرهم لإنجاح العملية وهو ما سينجر عنه ثورة نسائية ليلية في الشوارع و الطرقات الترابية في الصباح و العشية وقت القيلولة و عند الغسق و الغلس و الصبح ولن يركعن ,,,

لي ناسيوناليست ما عجبهمش الكلام هذا, شدو و خينا المنتحر الحي يد و ساق, أو بالأحرى الزقفونة, و قررو يطيشوه مهما كانت لي كونديسيون,,, فجعة يتدخلو الحنوشة, و يقولولهم أنو العملية هاذي غير شرعية, و تسمى قانونيا ب"تونتاتيف دو سويسيد اون بيبليك" ,,,

الله يرحم والديهم أفراد سلاحف النينجا تو كي لحقو, أما سمعو الحنوشة شقالت, و ردو عليهم أنو الواحد كيف يموت من أجل الوطن متاعو حاجة باهية و يكرموه من أجلها, علاش ممنوعة كيف الواحد يموت بور سون سوا مام ,,

هوما قاعدين يتفاضو معا الحنوشة قام واحد دز امنتحر الحي من فوق العمارة طاح مات,

وفات الحكاية,

مولاكم الشلفوح

بداية النهاية 2

السّلام على من اتّبع الهدى

كيما قلتلكم قبل, كي ناخو بليس دانفورماسيون نكمللكم هاكي الحكاية البيدونة.

بفضل من الله و نعمة منه, تمكنو الإخوة متاع على السرير بعد نصف الليل من الحصول على هاك الكاميرا الفي هاش اس, تسللفوها منعند المنصف كحلوشة, برجوليّة نشهدلو, طلع وليدها...الأمور متاع المنتحر الحي تنفنفت, و زيد المتطوعة الفيمينسيت طلعت موش دونية, هكّة الكرية يا ميمة و برّا....يرّاني حتّا آنا نولي نعاني كيفو

وهوما شادّين الثنية للعيمارة العالية, موش متاع بنزرت, خمم وخينا المنتحر في روحو انو شنو باش يصير كيف يجبد بيهم, دبر طفلة قنبلة عدا بيها ليلتو, باش يعمل بلعة قد قد بلّوشي, ويولّي أول واحد وفق الكلمة بين الإخوة المسلمين و الكفار و الملحدين.... فكرة كبشتلو في مخّوبالباهي...

وهوما فوق العمارة, الزبراطة جابولو ما لذّ و طاب من الخمور و البيرة المعتّقة, تقول هاك النوّاس لوكان جا حاضر لأنشد يقول: فاسقني حتى تراني أحسب الديك حمارا. و لأنشد الساهر زيديني خمرا زيديني يا اكبر غلطات حياتي و لأعلن العوني و زملاؤه التعبئة العامة ضد الزبراطة, وللي ما يعرفش العوني موش لازم عليه يعرفو, ينجم ياخو القضية مالمونوبري ولاّ من المارشي نوار,,نوار معناتها أكحل موش الورد,,قدّاش تحبلكم وسع بال...

سي المنتحر الحي زندعها, و قال راهو مازال ماخذاش غرضو و يحب يزيد يصوروه في آخر لحضات حياتو يلقي خطاب يعلن فيه برشة حوايج... حوايج هوني موش دبش... قعدو في دورة الساعتين و هوما يستنّاة في الكاميرا حتى تجي.. الإخوة المسلمين وعلي راسهم المندوب متاعهم قالهم لازم هوما يلقنو المنتحر الحي شباش يقول, حيت هوا مستانسين على امور كيما نهاذي ... الكومينست بقيادة الرفيق مندوبوف رفض...هوا لو كان تجي ترا ديما يرفض و عندو الحق, كلمة لا ما تجيب بلا.

الجماعة الكل طاحت تلوم في بعضها..هاكي هيا العريبة..سي المنتحر الحي غزرلهم و قاللهم أنو اذا واصلو إيل سرا أبليجاى باش يلغى العملية متاعو, و هوني شعلت,

تو المرّا الجاية نكمللكم

مولاكم الشلفوح

بداية النهاية 1

السّلام على من اتبع الهدى

يحكيوْا على جماعة عاملة في روحها قرّاية, أما كي تجي تشوف من ناحية أنّهم موش قرّاية راهم موش قرّاية, و كان تشوفهم زادة من ناحية أنّهم قرّاية, راهم يجبدوا بيك و يطلعوا موش قرّاية, يعني بالعربي أمورهم تنقنق.

ما نطولوش عليكم, سي الجماعة هاذم فيهم واحد, بالمعني الباهي بالطبيعة, ليوم قرر ينتحر, لكن بعض الديتاي كانوا ناقصينو, وبما أنّو يقولولو مسيو كاستيون, طاح يسأل فيهم إخوان مسلمين على إخوان كفّار, من كل الإتجاهات الطائفية و العرقية و الخشبية و الأليمنيومية و المريخية و الإلترا فيولية و الإنفراروجيّة تي حتّى جماعة البلوتوث طاح يسأل فيهم

حاسيلو ليزنفورماسيون توّا الكل معاه...

من وسائل الإنتحار, حسب الإخوة الساتانيك هي إلقاء بالنفس من أعلى مكان, لأنّو الواحد كان قفز ماقاش ثمّا مجال باش يتراجع, يعني يبين رجوليتو على قاعدة, قدّم و ما وخّرش...

الإخوة المسلمين استحسنو الفكرة.. وزادوا نصحوه باش يقرا سورة و إلا ثنين وهوّا هابط..و يعلن التوبة و الندم على فعله المشين, آفاك سات فصّون, يعتبر تائب و الجنة و نعم المصير...

و لأول مرة في التاريخ..الإخوة الزبراطة يوافقو المسلمين الرأي وزادو نصحوا الأخ المنتحر الحي باش يعمل بلعة هيّا بيدها قبل ما يجمبي, ويعلن التوبة في طريق الوصول إلى الأرض...لأنّو الجنة ماهي مضمونة لحتّى واحد, وثمّا إمكانية أنّو يمشي للجهنّم حتى بعد إعلان التوبة, دونك ما فيها باس.

هوني جماعة الفيمينيست تدخّلوا, و أعلنو بأنّو موش معقول العملية هاذي تتنفّذ بدون المشارك النسائية لكنّهم مالقاوش مطّوعة حيت المسؤول الأول على جماعة في السرير بعد نصف اليل طلب أنو يتم تصوير الأخ المنتحر الحي و المتطوعة مع بعضهم في السرير بعد نصف الليل, و التوبة تمسح كل شي, مشكلة المتطوعة كانت كان في نوع الكاميرا, تحبها كاميرا في هاش آس موش نوميريك, النوميريك يظهّرها سمرا برشة..حاسيلو الوضعية تتحل في غضون الساعات القليلة القادمة.

هوّا لوكان تجي ترا, عندها حق, ليلة كيف هاذي ما تتعاودش: مرة في لعمر و لازم ياخذو براي الطفلة...,بنية بكر راهي...

من غير ما نزيد في التفاصيل, المنتحر الحي أستحسن الفكرة, و قرر أنو العملية هاذي تكون علنية بحضور المسهولين بكلّهم منكافة مناطق التونيزي مع استعمال الويكلو مع القنوات التلفزية شماتة فيهم...

و كيف الأمور تزيد تتوضح...نكلّمكم

سيدكم الشلفوح